مسرحية احلام ولا اوهام ( المشهد الاخير )
كتبهاهيثم الدهشان ، في 31 مارس 2007 الساعة: 08:43 ص
اللوحة الثامنة :-
( منظر الاستديج)
(مكتب فخم يجلس عليه هانى وامير اصحاب شكلس فى الجامعة)
هانى: (وهو يكلم التليفون ) مين شكلس غريبة قوى خليه يدخل
امير : شكلس بتاع الجامعة
هانى : آه
امير : غريبة ده عمره مكلمنا بعد الجامعة … ياترى عايز ايه
هانى : ادينا هنشوف
( يدخل شكلس )
شكلس : ازيكو …… ويبدو الحزن على وجهه
هانى : انت اللى ازيك د انت عمرك ماعملتها
شكلس : انا اتبهدلت قوى
امير : اتبهدلت ليه وقعت فى ايد مين
هانى : ولا ابوها فقعك علقة ( بتريقة )
شكلس : انت بتتريق انا البوليس قبض عليا واتسجنت
هانى : اتسجنت ليه ايه اللى حصل
شكلس : مش عارف ليه بس كنت مستنى دودى بتاعه الجامعه
فى يوم ولقيت البوليس جاى وقبض عليا بتهمه النصب
امير : وبعدين
شكلس : يعنى هيكون ايه اتسجنت
امير : عرفت ان كلامنا صح
شكلس : ( وهو يضع وجهه فى الارض ) آه
هانى : علشان تحرم تضحك على بنات الناس يا فيلسوف زمانك
شكلس : انتوا هتقطعوا فيا .. كفايه اللى انا فيه المهم انتواعملتوا ايه
امير : اديك زى ما أنت شايف حققنا احلامنا اللى مكانتش عاجباك وبقينا رجال اعمال
بمجهودنا
شكلس : انا كنت عايز منكم خدمة
هانى : قول انت مهما كان صاحبنا
شكلس : انا كنت عايزكم تشوفولى شغلانة معاكم
امير : ماشى بس تبطل افكارك القديمة وتقتنع بفكرنا
هانى : احنا متهمناش الفلوس … احنا عايزين نفع راس مصر
لفوق وبس
شكلس : انتوا لسه عايشين بالحلم ده
هانى : طبعا وهو ده اللى مخلينا نشتغل ونتعب وندى للبلد اللى
شربنا من نيلها اللى سقيتنا من خيرها وعمرها فى يوم ما
بخلت علينا عمرها ما زعلت حد من ولادها اللى عايشين ليها
امير : البلد اللى علمتنا وكبرتنا وخلتنا فى اللى احنا فيه دلوقتى
مصر اللى مجرد اسمها بس بيخلينا نموت نفسنا فى
الشغل علشان ننميها .. البلد دى ليها دين على كل فرد
من ولادهاعلى كل واحد فيها شرب من نيلها كل من
خيرها البلد اللى علمتنا ازاى نحب منكرهش علمتنا قيم
كتير لازم نكون متمسكين بيها
هانى : علمتنا الحب .. الخير .. الحق .. الصدق .. الامانة ..
الشرف لو عايز تكون انسان من ولاد البلد دى اهلا بيك معانا
شكلس : وانا معاكوا .. انا غلطت فى حق نفسى قبل ما اغلط فى حق
البلد دى
امير : كده انت معانا
هانى : اهلا بيك معانا ننمى ونعمر ونملا ارض البلد دى بالخير
شكلس : انا شاكر ليكم امتى اقدر استلم الشغل ( بحماسة )
امير : من دلوقتى
إستعراض أرض الخلود
يا أض الخلود والامجاد
سامحى ابن من ولادك
غلط فى حقك
يا أرض الامجاد انسى الاحزان
وكونى لولادك
نيلك بيجرى فى دمى
مقدرش اكون خاين لترابك
انا اسف ليكى
يا ارض سقتينى من خيرك
وخيرك مالى كل كيانى
مقدرش اكون خاين لترابك
يا أض الخلود والامجاد
سامحى ابن من ولادك
ـــــــــــــــــــــــــــــــــــــــــــــــــــــــــ
التصنيفات : مسرحيات | السمات:مسرحيات
أرسل الإدراج | دوّن الإدراج
أبريل 1st, 2007 at 1 أبريل 2007 3:57 م
الاخ والصديق / هيثم الدهشان
ابدعتنى بسطورك هذه حقا تسلم ايديك
واشكرك جدا للتواصل الدائم معى
ولك منى خالص التحيات
أبريل 1st, 2007 at 1 أبريل 2007 11:23 م
السلام عليكم ورحمة الله تعالى وبركاته
أطلنا شهر عظيم شهر ربيع الأول؛ و فيه بزغ نور الهدى بمولد خير البرية محمد ابن عبد الله صلى الله عليه و سلم.
و بالمناسبة الكريمة يسرني أن أتقدم إليك بأحر التهاني و أجمل الأماني، سائلا المولى عز في علاه أن يصلي على سيدنا محمد صلى الله عليه و صلم و على امهات المومنين و على اله و صحبه و من تبعه باحسان و جهاد ال يوم الدين و أن يحشرنا في زمرته و أن يجعلنا من أهل شفاعته، و أن يحيينا على سنته و أن يتوفنا على ملته و أن يوردنا حوضه و أن يسقينا بكأسه غير خزايا و لا نادمين و لا شاكين و لا مبدلين و لا فاتنين و لا مفتونين.
آمين إنه نعم المولى و نعم النصير
و الحمد لله رب العالمين